Jetzt bini scho i de Halbziit
Weiss öbber wo die Ziit bliibt?
D'Ferie gönd verbi wie de Blitz
Bin scho gli zrugg ufem Flugzügsitz
Aber zersch gits no vell z'erläbe
Also loset zue was ech do säge
Is Sommerlager gangi gli
2 Wuche werdi dete sii
Nachhär anes Festival
Und no anes Musical
Ziit met mim Bro verbringe
Und luut i de Wohnig singe
Fein go ässe und Fründe gseh
Und go bade im chalte See
Gang no chli go Gäld verdiene
Früeh ufstah und Lüüt bediene
Schaffe i de beste Beck
Und putze bis zum letschte Fleck
Nachem lange lange Bache
Gahts zum lange lange Packe
Es paar Tränli wärded fliesse
Aber jetzt blibi no da und dus no chli gniesse